Drejtoresha e Arsimit në Prizren, Luljeta Veselaj-Gutaj, ka pritur në takim Sylvia Hinger nga Zyra e Bashkëpunimit Zhvillimor Austriak në Vjenë dhe Rita Glavitza nga Zyra e Bashkëpunimit Zhvillimor Austriak në Kosovë.
Takimi u fokusua në vëzhgimin e zbatimit të projektit “My Right/E Drejta Ime” dhe avancimin e arsimit gjithëpërfshirës në shkollat e Komunës së Prizrenit, si dhe në forcimin e bashkëpunimit me Caritas Kosova, Drejtorinë Komunale të Arsimit (DKA) dhe Zyrën e Bashkëpunimit Zhvillimor Austriak, përcjell PrizrenPress.
“Kisha kënaqësi të pres në takim znj. Sylvia Hinger nga Zyra e Bashkëpunimit Zhvillimor Austriak në Vjenë dhe Rita Glavitza nga Zyra e Bashkëpunimit Zhvillimor Austriak në Kosovë. Qëllimi i takimit ishte për të parë nga afër zbatimin e projektit My Right/E Drejta Ime dhe arsimin gjithëpërfshirës në shkollat e Komunës së Prizrenit, si dhe mundësitë për urat e bashkëpunimeve të reja me Caritas Kosova, DKA dhe Zyrën e Bashkëpunimit Zhvillimor Austriak”, u shpreh Veselaj-Gutaj./PrizrenPress.cm
