Kryetari i Komunës së Prizrenit, Shaqir Totaj, së bashku me Drejtoreshën e Arsimit, Luljeta Veselaj-Gutaj, morën pjesë sot në shënimin e ditës së shkollës “Gani Saramati” të këtij qyteti.
Totaj tha se përkushtimi për të mbështetur arsimin si bazë për zhvillimin e qëndrueshëm të shoqërisë nuk do të mungojë .
“Do të vazhdojmë të kontribuojmë në përmirësimin e kushteve në shkolla, sepse duke investuar në arsim ndërtojmë të ardhmen”, tha ai.
Drejtoresha e Arsimit, Luljeta Veselaj-Gutaj, vlerësoi shkollën “Gani Saramati” për historinë, përkushtimin dhe sukseset e saj ndër vite.
Ajo tha se kjo shkollë është një shembull i mirë i arsimit cilësor në komunën e Prizrenit.
Ndërkaq, drejtoresha e shkollës, Adelina Beqiri-Minci, tregoi rrugëtimin dhe arritjet e institucionit që ajo drejton, duke e quajtur këtë ditë një moment të veçantë për nxënësit dhe komunitetin shkollor.
“Po shënojmë një ditë të mbushur me suksese dhe përkushtim të përbashkët”, u shpreh ajo./PrizrenPress.com/
Marketing
Kliko videon: https://www.facebook.com/PrizrenPress/videos/1684680412412465
