Sot, në kuadër të shënimit të “Epopesë së Korrikut 1998”, u zhvilluan një mori aktivitetesh në Rahovec për të nderuar dëshmorët dhe martirët e kësaj periudhe heroike.
“Epopeja e Fortesës shënon njërën prej ngjarjeve më të rëndësishme në historinë e Rahovecit”, thuhet në njoftimin zyrtar të komunës, raporton PrizrenPress. Në këtë rezistencë, ranë në altarin e lirisë, heronjtë Agim Kelmendi, Gani Paçarizi dhe Tafil Zyberaj.
Me rastin e 27-vjetorit të Betejës së Rahovecit, kryetari i komunës, Smajl Latifi, bashkë me familjarë, bashkëluftëtarë, përfaqësues të OVL të UÇK-së dhe bashkëpunëtorë, bënë homazhe para lapidarit të dëshmorëve në ‘Rrugën e UÇK-së’, ku janë të skalitur emrat dhe figurat e luftëtarëve trima që u sakrifikuan për lirinë tonë.
Në vazhdim të nderimeve, te Muri i Pikëllimit në Rahovec, u nderuan fillimi i luftimeve për Rahovecin, kujtimi për 17 korrikun 1998, kujtimi për martirët dhe dëshmorët e Epopesë së Rahovecit të korrikut 1998: Avdullah Bugari, i rënë më 17 korrik, i cili është dëshmori i parë, si dhe Gëzim Hamza ‘Piktori’, i rënë më 19.7.1998.
Më tej, në njoftim thuhet se më 21 korrik 1998, Shejh Myhedinit u ekzekutua nga forcat barbare serbe me shumë besnikë të tij, pranë Teqesë së Madhe të Halvetive në Rahovec.
27 vjet nga rënia në krye të detyrës, e dëshmorit Bajram Veliu, sot, u nderua heroizmi i tij në vendin ku gjeti përjetësinë.
Hapësira me qira në objektet e reja te ‘RENELUAL TAHIRI’ në Prizren
Nderimet vazhduan edhe pranë lapidarit të të rënëve: Arian Brahimit – Shkodranit, Mizahir Ismës, Eshrefedin Kastratit, Bekim Ismës, Habib Berishës, Ramadan Morinës, Ruzhdi Xhuliqit, Samir Nurkasës, Xhafer Nurkasës, Gëzim Mullabazit dhe Xhevat Kasapit.
Në fund, në ‘Kopshtin e Dëshmorëve’ në Rahovec, u nderuan dëshmorët dhe martirët e rënë në ‘Epopenë e Korrikut 1998’.
Lavdi të gjithë të rënëve për liri!/PrizrenPress.com
Marketing
Banesat më të kërkuara në Prizren – Bëhu pronar në Foleja Residence!
Freski e përditshme me çmim të zbritur – zgjidh aparatet e ujit Bruno!
Bruno & Brentoni Home me super oferta që nuk duhen humbur në Prizren!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
