Fshati Brezne i Komunës së Dragashit po përballet me mungesë të theksuar të ujit të pijshëm, si pasojë e rënies së ndjeshme të sasisë së ujit në burimin kryesor nga i cili furnizohet i gjithë fshati.
Kompania Rajonale e Ujësjellësit “Hidroregjioni Jugor” ka njoftuar se, pavarësisht përpjekjeve të vazhdueshme për të siguruar furnizim, sasia aktuale e ujit në burim është shumë e ulët dhe nuk përmbush nevojat ditore të banorëve.
“E gjithë sasia e ujit po bartet përmes pompave në bazenin furnizues, por ajo është e pamjaftueshme për kërkesat e komunitetit”, thuhet në njoftimin e kompanisë, raporton PrizrenPress.
Për të përballuar situatën, KRU “Hidroregjioni Jugor” ka vendosur që ujin e kufizuar ta shpërndajë proporcionalisht në të gjitha lagjet e fshatit, në mënyrë që asnjë pjesë e komunitetit të mos mbetet pa furnizim, sado minimal.
Në këtë kontekst, kompania u ka bërë thirrje të gjithë konsumatorëve që ta kursejnë maksimalisht ujin, duke shmangur çdo keqpërdorim, për të siguruar që edhe të tjerët të kenë qasje në këtë resurs jetik.
“E kuptojmë shqetësimin tuaj për mungesën e ujit, por kjo gjendje nuk varet nga ne – është pasojë e drejtpërdrejtë e rënies së burimit nga i cili furnizohet fshati”, thuhet më tej në njoftim.
Hapësira me qira në objektet e reja te ‘RENELUAL TAHIRI’ në Prizren
Banorët janë ftuar që të bashkëpunojnë dhe të tregojnë mirëkuptim në këtë periudhë sfiduese, derisa të rikthehen kushtet e zakonshme të furnizimit./PrizrenPress.com
Marketing
Banesat më të kërkuara në Prizren – Bëhu pronar në Foleja Residence!
Freski e përditshme me çmim të zbritur – zgjidh aparatet e ujit Bruno!
Bruno & Brentoni Home me super oferta që nuk duhen humbur në Prizren!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
