Disa fshatra në rajonin e Prizrenit sot janë përfshirë nga zjarri që nuk ka lënë viktima, por ka shkaktuar dëme materiale. dhe ngordhjen e tri lopëve, përcjell Klankosova.tv.
“Gjatë ditës së sotme, sipas informatave që kemi deri më tani, janë raportuar shpërthime zjarri në disa zona të komunave Prizren dhe Suharekë. Konkretisht, zjarre kanë shpërthyer në: Fshatin Lubizhdë, si dhe në lagjen Bajram Curri në Prizren. Fshatrat Dubravë, Sopijë dhe Sllapuzhan, Suharekë si dhe disa zona të tjera”, ka thënë për Klankosova.tv, zëdhënësi i Policisë për Rajonin e Pzirenit, Shaqir Bytyqi.
“Deri më tani, nuk janë raportuar dëme në njerëz, por si pasojë e zjarreve janë shkaktuar dëme të konsiderueshme materiale, përfshirë ngordhjen e së paku tre lopëve”.
Bytyqi po ashtu ka njoftuar se vatrat e zjarrit janë shuar, dhe nuk ekziston ndonjë rrezik i menjëhershëm.
“Zjarrfikësit, të ndihmuar nga policia dhe qytetarët, kanë arritur të shuajnë vatrat e zjarrit dhe situata tashmë konsiderohet e stabilizuar. Në këtë moment, zjarret janë shuar plotësisht dhe nuk ka më rrezik të menjëhershëm për banorët dhe pronën e tyre”.
Marketing
Banesat më të kërkuara në Prizren – Bëhu pronar në Foleja Residence!
Freski e përditshme me çmim të zbritur – zgjidh aparatet e ujit Bruno!
Bruno & Brentoni Home me super oferta që nuk duhen humbur në Prizren!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
Hapësira me qira në objektet e reja te ‘RENELUAL TAHIRI’ në Prizren
