Kompania Rajonale e Ujësjellësit “Hidroregjioni Jugor” sh.a. ka njoftuar se për shkak të një defekti në rrjetin elektrik të KEDS-it në stacionin e pompave në Vermicë, është ndërprerë furnizimi me ujë të pijshëm në disa zona të komunës së Prizrenit.
Zonat e prekura nga kjo ndërprerje janë: Zhur, Vërmicë, Dobrusht dhe Shkozë, raporton PrizrenPress.
Sipas njoftimit, ekipet teknike të ujësjellësit, në bashkëpunim me ato të KEDS-it, janë në terren dhe po punojnë për sanimin e defektit dhe rikthimin e furnizimit me ujë në afatin më të shpejtë të mundshëm.
“Ekipet tona janë në terren në bashkëpunim me ekipet e KEDS-it dhe po punojnë me përkushtim për sanimin e problemit dhe rikthimin e furnizimit me ujë sa më parë që të jetë e mundur”, thuhet në njoftimin e kompanisë./PrizrenPress.com
