Gjatë këtij muaji, në Gjykatën Themelore të Prizrenit kanë filluar punën katër bashkëpunëtore profesionale dhe gjashtë zyrtarë/e ligjorë/e, me qëllim të rritjes së efikasitetit dhe përballjes me ngarkesën në departamente të ndryshme.
Kryetarja e Gjykatës u ka uruar mirëseardhje zyrtarëve të rinj, duke shprehur mbështetjen e saj të plotë dhe kërkesën për angazhim të lartë në punë, raporton PrizrenPress.
“Kryetarja e Gjykatës iu uroj mirëseardhje dhe suksese në rrugëtimin e ri profesional duke shprehur gatishmërinë dhe mbështetjen e saj të plotë për bashkëpunim, njëherit, kërkoj nga të njëjtit përkushtim dhe angazhim të lartë në punë”, thuhet në njoftimin e Gjykatës.
Sipas njoftimit, zyrtarët janë sistemuar në departamente dhe divizione ku “sipas nevojës është ngarkesa më e madhe me lëndë dhe kërkohet angazhim më i madh”.
Gjykata Themelore vlerëson se përforcimi i stafit do të ndikojë drejtpërdrejt në përmirësimin e funksionimit institucional dhe në trajtimin më të shpejtë të lëndëve.
“Rritja e stafit administrativ ka rol të rëndësishëm në rritjen e efikasitetit dhe trajtimin e lëndëve në kohë të arsyeshme”, përfundon njoftimi./PrizrenPress.com
Marketing
Banesat më të kërkuara në Prizren – Bëhu pronar në Foleja Residence!
Freski e përditshme me çmim të zbritur – zgjidh aparatet e ujit Bruno!
Bruno & Brentoni Home me super oferta që nuk duhen humbur në Prizren!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
https://prizrenpress.com/hapesira-me-qira-ne-objektet-e-reja-te-renelual-tahiri-ne-prizren/