Nisin punimet restauruese në Shtëpinë e Vehbi Haxhiut në Prizren

Pas përkushtimit dhe koordinimit me shumë institucione, ka nisur zyrtarisht procesi i punimeve restauruese në Shtëpinë e Vehbi Haxhiut në Prizren.

Ky projekt përbën një hap të rëndësishëm në ruajtjen dhe promovimin e trashëgimisë kulturore dhe shënon një arritje në kuadër të objektivave të Qendrës Rajonale për Trashëgimi Kulturore dhe Ministrisë së Kulturës, Rinisë dhe Sporteve.

Samir Hoxha, Drejtor i Qendrës Rajonale për Trashëgimi Kulturore në Prizren, deklaroi se ky projekt nuk është vetëm një ndërhyrje restauruese, por një investim i përbashkët në kujtesën kolektive.

“Jam optimist se, me këtë frymë bashkëpunimi institucional, do të vazhdojmë të sjellim rezultate të prekshme në mbrojtjen e trashëgimisë kulturore në Prizren. Falënderoj sinqerisht të gjitha institucionet dhe stafin profesional për përkushtimin e tyre të pandërprerë”, tha ai, raporton PrizrenPress.

Fillimi i punimeve u mundësua falë bashkëpunimit me institucione dhe aktorë përgjegjës, duke përfshirë: Policinë e Kosovës – Prizren, Drejtorinë për Punë dhe Mirëqenie Sociale, Entin e Shëndetit Mendor, Spitalin Rajonal të Prizrenit, Qendrën e Kujdesit Mjekësor Urgjenca, Inspektoratin e Trashëgimisë Kulturore dhe Inspektoratin e Komunës së Prizrenit.

Ky projekt është pjesë e Planit Vjetor të Punës së Qendrës Rajonale për Trashëgimi Kulturore dhe realizohet në përputhje me Ligjin për Trashëgiminë Kulturore dhe Rregulloren Nr. 06/2017. Sipas QRTK-së, “Përkushtimi ynë për restaurimin dhe konservimin e aseteve të trashëgimisë kulturore mbetet një prioritet i pandryshueshëm dhe një përgjegjësi që synon ruajtjen e vlerave kulturore për brezat e ardhshëm. Me bashkëpunim dhe mbështetje të vazhdueshme institucionale, jemi të sigurt se do të realizojmë projekte të tjera me rëndësi për trashëgiminë kulturore të rajonit”./PrizrenPress.com/

Marketing

Express Kredi nga BiCredit

Banesat më të kërkuara në Prizren – Bëhu pronar në Foleja Residence!

Industria e mishit “Medina” në Prizren – traditë, cilësi dhe shije autentike të produkteve të mishit që nga viti 1991

Kompleksi ‘Newco Elan’ ofron banesa të ëndrrave tuaja në zemër të Prizrenit

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

‘Toni Residence’ – Mos e humb rastin për të blerë banesën tënde në Prizren

https://prizrenpress.com/hapesira-me-qira-ne-objektet-e-reja-te-renelual-tahiri-ne-prizren/