Në Malishevë u promovua libri “Dëshmi nga Ferri – Eksodi Bellanica, prill 1999” i autorit Nysret Sertolli, një vepër që dokumenton ngjarjet tragjike të 1 dhe 2 prillit 1999 dhe dëbimin masiv të popullatës shqiptare nga Bellanica dhe zonat përreth.
Në emër të kryetarit të komunës, Ekrem Kastrati, fjalën e rastit e mbajti drejtori Jakup Gashi, i cili theksoi rëndësinë e ruajtjes së kujtesës historike dhe dokumentimit të së vërtetës për brezat e ardhshëm. Ai vlerësoi autorin për guximin dhe përkushtimin në sjelljen e dëshmive autentike nga periudha e luftës.
Për librin folën edhe redaktori Fadil Javori, recensenti Izet Shala, profesori Gëzim Prengzi, si dhe Hamdi Mazreku, Rexhep Hasani dhe dëshmitari Smajl Zogaj.
Vepra përmban rrëfime të të mbijetuarve, dëshmi personale dhe materiale dokumentare, duke trajtuar dëbimin, qëndrimin në Shqipëri, kthimin dhe rindërtimin e jetës pas luftës. Libri u vlerësua si një dokument i rëndësishëm historik dhe një thirrje për kujtesë dhe drejtësi./PrizrenPress.com/
Marketing
Shiten banesa moderne në lagjen “Tranzit i Ri” të Prizrenit – mundësi pagese me këste
Banesat më të kërkuara në Prizren – Bëhu pronar në Foleja Residence!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
https://prizrenpress.com/hapesira-me-qira-ne-objektet-e-reja-te-renelual-tahiri-ne-prizren/
