Në Rahovec mbahet festivali poetik kushtuar Xhevdet Bajrajt

Në Rahovec është mbajtur edicioni i parë i Festivalit Poetik “Muzat e Vreshtave”, një manifestim kulturor i organizuar nga Klubi Letrar “Xhevdet Bajraj”, kushtuar jetës dhe veprës së poetit të shquar Xhevdet Bajraj.

Aktivitetet e festivalit nisën me homazhe pranë varrit të poetit në varrezat e qytetit të Rahovecit. Më pas, poetë nga Rahoveci dhe përfaqësues të klubeve letrare nga treva të ndryshme shqiptare vazhduan aktivitetet sipas agjendës së paraparë.

Pjesëmarrësit vizituan Majën e Shkodranit, shtëpinë e ish-anëtarit të klubit, profesor Sabahajdin Cena, në Lugun e Gjeraqinës, Bibliotekën Komunale “Sulejman Krasniqi” në Rahovec, si dhe zonën e Urës së Fshajtë pranë lumit Drini i Bardhë. Në kuadër të festivalit u realizuan edhe vizita në Krushë të Madhe, përkatësisht në Shtëpinë-Muze të Ukshin Hotit dhe Muzeun e Masakrës.

Pjesa qendrore e festivalit, Ora e Madhe Letrare, nisi me promovimin e librit në dorëshkrim të poetit Xhevdet Bajraj, me titull “Dyert e burgut janë të hapura”, botuar nga Shtëpia Botuese “Drini” në Ferizaj.

Më pas, autorët pjesëmarrës interpretuan krijimet e tyre poetike, ndërsa juria profesionale, e përbërë nga Leonora Bruçaj-Keka, Bedri Zyberaj dhe Zyrafete Shala, shpalli fituesit e konkursit letrar.

Çmimi i parë iu nda Suzana Gjergjit për poezinë “Do të besoja verbërisht”, çmimi i dytë Muzafer Ramiqit për poezinë “Testament”, ndërsa çmimi i tretë Mirvete Kabashi-Lekut për poezinë “Atdheu në një pikë boje”.

Po ashtu, u ndanë edhe çmime të veçanta: Çmimi Post Mortem për profesorin Sabahajdin Cena, Çmimi i Mërgimtarit për Merita Kafexhiu Kadirin dhe Çmimi Special “Xhevdet Bajraj” për krijuesin Agim Metbala, për veprimtari jetësore.

Festivali u përmbyll me ndarjen e mirënjohjeve për pjesëmarrësit dhe me promovimin e librit me poezitë e autorëve pjesëmarrës në konkursin letrar./PrizrenPress.com/

Marketing

Realizoni projektet tuaja me BiCredit, partneri juaj i besueshëm financiar në Prizren!

Banesat më të kërkuara në Prizren – Bëhu pronar në Foleja Residence!

Industria e mishit “Medina” në Prizren – traditë, cilësi dhe shije autentike të produkteve të mishit që nga viti 1991

Kompleksi ‘Newco Elan’ ofron banesa të ëndrrave tuaja në zemër të Prizrenit

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

Hapësira me qira në objektet e reja te ‘RENELUAL TAHIRI’ në Prizren