Në një koncert në Thionville të Francës, Elina Duni prezantoi përmes tingujve jazz muzikën e saj, siç është shprehur vetë këngëtarja, është e bazuar në rrënjët e saj, në Shqipëri.
Kuarteti i Elina Dunit dhe Ansambli Yuval Amihai janë pjesë të koncerti të përbashkët që u dha në Thionville të Francës. Përfshirja e këtyre muzikantëve në një koncert të vetëm nuk është e rastësishme, pasi që të dy bendet që prezantojnë muzikë jazz, burimin e kanë te rrënjët e veta, e para në Shqipëri , kurse e dyta në Izrael.
Në prezantimin për këngëtaren shqiptare Elina Duni, organizatorët shkruajnë: Elina Duni përmes koncerteve të saj po e vë botën në kontakt me vlerat e muzikës shqiptare. Edhe pse nuk ka pasur shumë mundësi që të ketë kontakt të drejtpërdrejtë me muzikën popullore, përgjatë fëmijërisë së saj ajo gradualisht është angazhuar për eksplorimin e kujdesshëm të historisë së trazuar të vendit të saj, e cila ka gjetur këngë me një bukuri të rrallë dhe një fuqi të vërtetë emocionale.
Nga traditat stërgjyshore të rajonit të saj të lindjes apo të përbërë nga anëtarë të një diaspore të madhe shqiptare të shpërndarë nëpër botë, këngët e saj flasin për të dashuruarit, heronjtë, punëtorët, barinjtë, robërinë, dëshpërimin dhe rezistencën.
Ndërkohë, ansambli nga Izraeli, Yuval Amihai është i njohur për prezantim të muzikës jazz në shumë vende të botës, duke përfshirë edhe Çmimin e madh në konkursin e jazz-it në vitin 2009.
“Yuval kërkon mënyrë të re. Bazohet në muzikën popullore izraelite për ti vënë ato në standarde të reja të mahnitshme. Kompozimet e tij janë të frymëzuar nga laramania e kulturave që është ballafaquar gjatë rinisë së tij”, thuhet në njoftimin zyrtarë të këtij koncerti. /KultPlus.com