Serbët e Kosovës do të mund të votojnë për zgjedhjet parlamentare të Serbisë më 16 mars në 10 qendra votimi, që do të hapen nga misioni i OSBE-së, e të cilat zyrtarë të Qeverisë së Kosovës i kanë quajtur grumbulluese
Të ashtuquajturat vende për grumbullimin e votave do të shërbejnë si qendra votimi për serbët në Kosovë, të cilët të dielën do të votojnë për zgjedhjet parlamentare të Serbisë – shkruan Koha Ditore.
Dhjetë të tilla do t’i hapë OSBE-ja, ku do të jetë i angazhuar një staf prej 400 njerëzve për të ndihmuar votuesit.
Zyrtarë të Qeverisë së Kosovës rolin e OSBE-së e kanë cilësuar vetëm teknik, ndërsa njohësit e proceseve zgjedhore e kanë quajtur kundërkushtetues.