Zëdhënësi i Komunës së Prizrenit, Ymer Berisha, vlerëson se brenda 100 ditëshit të mandatit të tretë të qeverisjes së Ramadan Mujës, janë realizuar të gjitha projektet që janë paraparë me buxhet. Ai thotë se Komuna e Prizrenit është duke punuar në ngritjen e cilësisë së jetës së qytetarëve.
“Komuna është duke i realizuar të gjitha projektet e parapara në buxhetin e vitit 2014, dhe është duke ndihmuar në ngritjen e cilësisë së jetës së qytetarëve të Prizrenit”, thotë Berisha për “PrizrenPress”.
Ai tregon se në ditët e fundit ka filluar asfaltimi i rrugës në Tranzitin e Vjetër. “Ky projekt kushton 2 milion euro”.
“ Po ashtu ka filluar ‘Java Ekologjike’ e cila rritë hapësirat e gjelbërta në qytet”.
Sipas tij, në kuadër të investimeve, Komuna e Prizrenit, ka filluar të realizojë edhe projektin në sheshin “Ismet Jashari”.
Zëdhënësi Berisha ka komentuar edhe akuzat dhe vlerësimet e opozitës që kanë bërë për 100 ditëshin e mandatit të tretë të qeverisjes së Mujës.
“Opozita politike në Prizren ka humbë kauzën e vet publike dhe organizative, prandaj është e nërvozuar dhe prononcohet pa asnjë argument”.
“Opozita po tregon se nuk ka qenë dhe nuk është ende gatëshme për t’i kuptuar proceset politike dhe rolin e saj. Po jeton në krizë, prandaj edhe po tenton të manipuloi me opinionin publik”. /PrizrenPress.com/