Dy qeveritë, ajo e Kosovës dhe e Shqipërisë sot do të mblidhen në Kukës. Këtë vit takimi i përbashkët do të jetë në shenjë përkujtimi për 15 vjetorin e eksodit të shqiptarëve gjatë vitit 1999 dhe nderim për të gjithë ata shqiptarë që i pritën të ikurit nga Kosova.
Bëhet e ditur se takimi i dy qeverive do të mblidhen në mënyrë ceremoniale për të kujtuar UÇK-në dhe bujarinë e atyre që hapin dyert e shtëpisë dhe që nga ai moment kanë krijuar lidhje të jashtëzakonshme mes shqiptarëve të Shqipërisë dhe Kosovës.
Sipas një agjende të dërguar nga Qeveria e Kosovës, pjesëmarrja në këtë takim, përveç kryeministrit të Kosovës Hashim Thaçit dhe atij të Shqipërisë Edi Rama, prezent do të jenë shumica e ministrave të dy qeverive.
Po ashtu bëhet e ditur se gjatë këtij manifestimi të quajtur: “Nga Eksodi tek Partneriteti Strategjik”, do të nënshkruhen disa marrëveshje në mes dy qeverive si dhe do të ketë aktivitete të ndryshme kulturo-artistike dhe sportive.
Pikërisht 15 vjet më parë mbi 75 mijë qytetarë të qytetit të Mitrovicës dhe kaluan kufirin në pikën e Vërmicës.
Popullsia prej 50 mijë banorësh e qytetit të Kukë sit në ato ditë do të 10-fishohej, duke e kthyer këtë qytet në simbol të qendrës dhe atdhedashurisë.