(E plotësuar) Përfundon pa ndonjë marrëveshje edhe takimi i sotshëm i liderëve politikë të Kosovës me ambasadoren amerikane në Prishtinë, Tracey Ann Jacobsson.
Burime të Koha.net pohojnë të mos jetë arritur asnjë marrëveshje midis liderëve shqiptarë. Mosmarrëveshjet kanë të bëjnë me vazhdimin e mandateve të rezervuara për serbët, të cilët me këtë kushtëzojnë votimin për FAK-un, por edhe me shpërndarjen ose jo të Kuvendit, apo mocionin për kryeministrin.
Merret vesh se deputetët serbë në Kuvendin e sotshëm, kur duhet të merren vendime të rëndësishme – për formimin e FAK-ut dhe zgjedhjet e përgjithshme parlamentare, nuk do të jenë të pranishëm në seancën, që duhet të fillojë së shpejti.
Fillon takimi i liderëve me ambasadoren e SHBA-së
Liderët e partive politike kanë filluar takimin me ambasadoren e SHBA-së, Tracey Ann Jacobsson në rezidencën e kësaj të fundit ku temë diskutimi është transformimi i FSK-së në FAK.
Siç mëson Indeksonline, në takim prezentë janë, kryeministri i Republikës, Hashim Thaçi, si dhe krerët e partive politike në vend, Isa Mustafa, Ramush Haradinaj si dhe Behxhet Pacolli.
Sipas të njëjtave burime ambasadorja amerikane nuk ka kurrfarë qëndrimi sa i përket votimit sot për FAK-un e pastaj shpërbërjen e Kuvendit. Liderët duhet vetë të gjejnë daljen nga kriza institucionale.Liderët e partive politike kanë filluar takimin me ambasadoren e SHBA-së, Tracey Ann Jacobsson në rezidencën e kësaj të fundit ku temë diskutimi është transformimi i FSK-së në FAK.
Siç mëson Indeksonline, në takim prezentë janë, kryeministri i Republikës, Hashim Thaçi, si dhe krerët e partive politike në vend, Isa Mustafa, Ramush Haradinaj si dhe Behxhet Pacolli.
Sipas të njëjtave burime ambasadorja amerikane nuk ka kurrfarë qëndrimi sa i përket votimit sot për FAK-un e pastaj shpërbërjen e Kuvendit. Liderët duhet vetë të gjejnë daljen nga kriza institucionale.