Njeriu i dytë i PDK’së dhe sigurisht njëra nga figurat më me ndikim në këtë parti, Kadri Veseli, po shmanget sa herë që është e mundur nga Hashim Thaçi. Në të gjitha fotografitë që Thaçi i poston në Facebook nga tubimet e PDK’së, nuk shihet askund Veseli.
Ai vlerësohet se është një nga figurat më me ndikim në Partinë Demokratike të Kosovës. Këtë e konfirmon edhe pozita e lartë që e mban në këtë subjekt, por Hashim Thaçi duket se nuk e konsideron shumë të nevojshëm zëvendëskryetarin Kadri Veseli në fushatë. Në të gjitha postimet e fotografive të Thaçit, nuk ka vend për Veselin. Derisa ndodh e kundërta në rastin e Veselit, i cili nuk heziton të postojë fotografi të fushatës ku është bashkë me të parin e partisë.
Katër fotografitë e para që po i postojmë janë nga profili i Thaçit në Facebook, ku ai shihet kryesisht i shoqëruar nga “civilët” e PDK’së Besim Beqaj e Blerand Stavileci, ndërsa 4 fotografitë tjera që janë marrë nga profili në Facebook i Veselit, këtë të fundit mund ta vëreni në shoqëri të Thaçit, gjatë fushatës në pjesë të ndryshme të vendit./express/