Studentët e Universitetit të Prishtinës dhanë votën e tyre. Një javë para zgjedhjeve parlamentare në vend, ata mbajtën zgjedhjet e tyre brenda Universitetit të Prishtinës. Studentët votuan për Parlamentin Studentor dhe Këshillin Studentor në “Hasan Prishtina”.
Kështu, me 2619 vota, është Unioni i Studentëve Pro Europian (USPE) ai që ka fituar më shumë për Parlament Studentor dhe Këshill Studentor të Universitetit të Prishtinës. Këto zgjedhje janë mbajtur të enjten, dhe janë konsideruar si të suksesshme pavarësisht shumë kritikave të organizatave të tjera studentore. Në këtë garë kanë qenë të përfshira 15 organizata, por vetëm 8 kandidatë kanë arritur ta kalojnë pragun,shkruan Tribuna.
Vlerësohet se organizata USPE ka dalë e para për 201, në krahasim me të dytën. Drejtues të kësaj organizate kanë falënderuar të gjithë studentët që i kanë përkrahur. “Në këto zgjedhje fituan studentët, fitoi Universiteti i Prishtinës”, ka deklaruar Mejdi Sadiku, sekretar i përgjithshëm i USPE-së.