Këngëtari i njohur Shpat Deda ka bërë të ditur se ka ardhur me një këngë të re të titulluar ‘Shkëndijë’. Këtë këngëtari e ka bërë të ditur përmes një komunikate për media, ku edhe ka shpalosur shumëçka rreth projektit të tij më të ri, por edhe planeve më tej.
Këngëtari Shpat Deda i cili është bërë i njohur në publik për stilin e tij të veçantë, ka bërë të ditur se ka ardhur në skenë me një këngë të re. Këtë risi këngëtari e ka bërë të ditur përmes një komunikate për media, ku thuhej.
“Sot u publikua kënga dhe videoklipi më i ri i kantautorit Shpat Deda i titulluar “Shkëndijë”. Kjo këngë është një prej këngëve më të reja të kantautorit e shkëputur nga albumi i tij i dytë gjithashtu me titull “Shkëndijë”, album ky i cili pritet të lansohet këtë verë”. Ndër të tjera këngëtari ka zbuluar edhe bashkëpunëtorët e këtij projekti.
“ Kënga dhe teksti në “Shkëndijë” janë krijuar nga Shpat Deda, ndërsa aranzhmani, produksioni dhe incizimi ‘live’ për këtë këngë janë bërë në bashkëpunim të afërt me Armend Xhaferin dhe Pëllumb Ballatën. Në këngë dëgjohet edhe loja e Nesim Maxhunit në tupanë dhe e Visar Kuçit në harqe, ndërsa kënga është incizuar në studion Homebasesound në Prishtinë.Regjinë dhe montazhin e videoklipit të këngës “Shkëndijë” e ka bërë Daniel Mulloy, regjisor i njohur i filmave të shkurtër nga Britania e Madhe, puna e të cilit ka triumfuar në dhjetëra festivale prestigjioze ndërkombëtare të filmit si Sundance”, thuhej në komunikatë.
Ndryshe këngëtari ka bërë të ditur po ashtu se këtë verë ai do të vijë edhe me albumin e tij të ri i cili do të mbajë titullin ‘Shkëndijë’