Çështja e kryeparlamentarit ende nuk shkon në Kushtetuese. Gjykata Kushtetuese pritet të ketë punë gjatë verës.
Partia Demokratike e Kosovës ende nuk ka vendosur nëse do ta dërgojë në Gjykatën Kushtetuese çështjen e kryeparlamentarit. Analistët shohin se në këtë punë do të ketë furtunë në parlament.
Çështja e zgjedhjes së kryeparlamentarit shumë lehtë mund të përfundojë në Gjykatën Kushtetuese, për shkak se edhe Partia Demokratike e Kosovës (PDK), e cila ka dalë fituese në zgjedhjet e 8 qershorit, por edhe koalicioni paszgjedhor LDK-AAK-Nisma, pretendojnë se u takon pozita e kryeparamentarit. Sikurse njëra palë, e po ashtu edhe pala tjetër, thonë se grupi më i madh parlamentar u takon atyre.
Përderisa drejtues të Partisë Demokratike të Kosovës (PDK-së) kanë thënë se ende nuk kanë vendosur se a do të dërgojnë në Gjykatën Kushtetuese çështjen e grupit më të madh parlamentar, nëse blloku opozitar vazhdon të barrikadohet karshi kësaj çështjeje. “Ende nuk kemi vendosur se si do të veprojmë”, ka thënë shkurt përmes një sms-i zëvendëskryeministri në detyrë, njëherësh nënkryetar i PDK-së, Hajredin Kuçi./Kosova Sot/