Marigona Veseli sapo ka lansuar albumin e saj ‘live’ me këngë dasmash e ndërsa tash po sjell këngën e saj të cilën do ta lansojë nesër. Ndër të tjerash ajo ka treguar se ndoshta në një të ardhme të afërme do të ketë një bashkëpunim me këngëtarin Korab Shaqiri.
“Para pak ditësh e kam lansuar albumin tim më të ri ‘live’ me këngë dasmash. Gjithashtu jam e angazhuar në ahengje të ndryshme familjare. Albumi i ka gjithsej 12 këngë të dëgjuara më herët, e kam punuar në studion ‘ArtiRec’ Ferizaj. Albumi i përmban dy balada, të tjerat janë këngë dasmash”, ka thënë Veseli në një intervistë për Tribuna.