Robert Downey Jr. është aktori më i paguar i vitit. Të ardhurat e yllit të filmave “Iron Man” dhe “The Avengers” në 12 muajt e fundit kanë arritur në 75 milionë dollar. Edhe në 2013-ën, fitimet e tij tejkalonin 70 milionë dollar. Filmi i tij “Iron Man 3” i siguroi atij renditjen në krye të listës së aktorëve më të paguar. Iron Man 3 siguroi 1.3 miliard dollarë në të ardhura nga shfaqjet në mbarë botën.
Si ‘Njeriu i hekurt’, ai është forca shtytëse e katër hiteve të Marvel, përfshirë këtu filmin ‘Avengers”, thuhet në revistën “Forbes”, e cila përpilon listën e aktorëve më të paguar. Dwayne Johnson, ylli i filmit, Fast and Furious, është i dyti në listën e aktorëve më të paguar. Ai në 12 muajt e fundit ka fituar 52 milionë dollarë.
Aktori hollivudian Bradley Cooper, ylli i filmit Hangover, është i treti me 46 milionë dollarët e fituar në 12 muajt e fundit. Në pozitën e katërt renditet Leonardo DiCaprio, pasi luajti në dy filma të nominuar për Oskar, “The Wolf of Wll Street” dhe “The Great Gatsby”. Me këto suksese, 39 vjeçari ka mbledhur 39 milionë dollarë.
5 vendet më të mira, i mbyll aktori Chris Hemsworth, i njohur për rolin e Thor, ka mbledhur 37 milionë dollarë. Sipas listës së përpiluar nga revista Forbes, shumat totale të të ardhurave të aktorëve nuk përfshijnë taksat, koston e agjentëve dhe kosto të tjera të aktorëve por vetëm fitimet e tyre.