“DokuNights” këtë vit hapet më një nga DJ-ët më të rëndësishëm dhe inovativ të skenës – dBrigde. Ai do të performojë më 16 gusht në Andrra.
“Mos e humbni natën e hapjes së DokuNights! Në qytetin më drum & bass të Kosovës, ne do të fillojmë më një nga DJ-ët më të rëndësishëm dhe inovativ të skenës – dBrigde”, thuhet në njoftimin e Festivalit Ndërkombëtar të Filmit Dokumentar dhe të Shkurtër, DokuFest.
Një nga producentët veteran dhe me shumë eksperiencë të muzikës drum & bass, Darren White ose dBridge është një artist transformimet dhe evolucionet e të cilit kalojnë nëpër një listë marramendëse të sukseseve. Gjatë karrierës së tij të gjatë dhe të shquar, ai ka qenë në qendër të disa bashkpunimeve më emocionuese drum & bass që janë parë ndonjëherë – nga Future Forces në Bad Company, dhe së fundmi Club Autonomic.
dBridge gjithashtu në kohët e fundit është përkushtuar shumë në Exit Records me përpilimin e Mosaic, me shumë këngë novatore, dhe LPS artista, dhe ai vazhdon të jetë një mentor për producentët e rinj të cilët janë inspiruar nga karriera e tij. Si një artist solo, dBridge mbetet i shumë-talentuar me produksionet e tij për Exit, Metal-headz, Reinforced, Hotflush dhe shumë të tjerë.
Pra, më 16 gusht në Andrra, “mos e merrni me vete as drum-in e as bass-in se ne kemi plot për të gjithë me dBridge, përcjellë nga HyperTech dhe Labinot Sponca ynë”, porositin organizatorët e DokuFest-it. /PrizrenPress.com/