Nënkryetari i Lëvizjes Vetëvendosje, Shpend Ahmeti, ka bërë me dije se nëse koalicioni paszgjedhor LDK-AAK-Nisma do t’i pranonte kushtet e Vetëvendosjes, Kosova do të kishte qeveri dhe institucione stabile.
Por nëse ky koalicion i pranon kushtet e Listës Srpska, e jo të VV-së, atëherë, sipas tij, Qeveria do të jetë jostabile dhe do të varet nga Beogradi.
Duke folur për Epokën e Re lidhur me mundësinë e mbajtjes së zgjedhjeve të reja, Ahmeti ka thënë se kjo do të varet më shumë nga koalicioni LDK-AAK-Nisma.
Megjithatë, ai ka thënë se nuk do të kishte asgjë të keqe edhe nëse mbahen zgjedhjet e reja.