Partia Demokratike i është përgjigjur negativisht kërkesave të bllokut për thirrjen e vazhdimit të seancës konstituive të kuvendit.
Sekretari i Përgjithshëm i kësaj partie, Basri Musmurati ka thënë se seanca konstituive e Kuvendit nuk mund të thirret pa marrëveshje paraprake mes partive.
PDK-ja thotë se si fituese e zgjedhjeve do të përfshihet gjithsesi në qeveri, raporton KTV.
Musmurati ka thënë se brenda javës së ardhshme vendi do ta tejkalojë këtë krizë. Ai beson që ndonjëra prej partive politike, pjesë e bllokut, do t’i bashkohet PDK-së.
Ai ka theksuar se PDK-ja do të presë deri pas takimit të liderëve me presidenten dhe pastaj do t’iu dërgojë edhe ftesa zyrtare partive politike.