Para se të bëhej udhëheqës i Partisë Naziste, Hitleri ishte një artist ambicioz.
Një nga krijimet e tij – piktura e qytetit të Munihut, do të shkojë në ankand në Nuremberg, të shtunën.
Piktura me ngjyrë të ujit, që përshkruan qytetin e Munihut, vjen me një certifikatë që verifikon se është krijim i Rajhut të Tretë.
Piktura është vendosur në shitje nga dy motra, që dëshirojnë të mbesin anonime, transmeton koha.net.
Dy gratë besohet se e posedojnë pikturën për disa vite, të cilën refuzuan që ta shfaqin.
Pasi iu dhurua krijimi nga halla e tyre, thuhet se motrat e kanë mbajtur krijimin artistik në një sirtar, të mbuluar me pallomë.
Hitleri është i njohur për natyrën e tij mizore të udhëheqjes gjatë Luftës së Dytë Botërore.
Megjithatë, në Gjermani është legale që të shiten pikturat e tij përderisa nuk kanë simbole të nazizmit.
Piktura në pronësi të motrave do të shitet nga Shtëpia e Ankandeve Weidler në Nuremberg të Gjermanisë të shtunën, me një pjesë të fitimeve që do të i dhurohet fëmijëve me nevoja të veçanta.