Lidhja Demokratike e Kosovës e drejtuar nga Isa Mustafa të mërkurën do ta mbledh organin e saj më të lartë- Këshillin Drejtues. Këtë e kanë konfirmuar për Gazetën Blic burime brenda LDK-së. Sipas këtyre burimeve, të mërkurën pritet që të mblidhet Këshilli i Përgjithshëm. Siç merr vesh Gazeta Blic në këtë mbledhje kryetari i LDK-së, Isa Mustafa do të propozoj që të marrë vendim që ose ta ketë postin e Kryeministrit me koalicionin LVAN, ose kjo parti do të kaloj në opozitë.
“Tani na kanë ardhur ftesat, ndërkaq, nesër pritet që të vij edhe rendi i ditës”, ka thënë ky burim i Gazetës Blic.
Që nga dita kur LVAN hoqi dorë nga posti i kryetarit të Kuvendit, ka filluar përplasja ndërmjet zyrtarëve të AAK-së dhe atyre të LDK-së për postin e kryeministrit.
AAK sot mblodhi edhe kryesinë e partisë ku morën vendim që ose Ramush Haradinaj të jetë kryeministër, ose do të prishet Blloku LVAN.