Nënkryetari i Komunës së Prizrenit, Lulëzim Kabashi nuk është i kënaqur me punën e Komisionit që ka hartuar listën e përfituesve të banesave për kategoritë e dala nga lufta.
“Në këtë listë kanë figuruar emra që nuk i përkasin familjeve të dëshmorëve”, ka thënë Kabashi transmeton TVPZ.
Komuna e Prizrenit sot ka ndarë banesat për familjet e dëshmorëve, veteranëve dhe rasteve sociale.
Kabashi tha se pa zgjidhjen e statusit të veteranit të luftës që është në proces e sipër, nuk mund të përfitojnë banesa persona nga kjo kategori.
Nënkryetari Kabashi tha se hartimi i listës përben shkelje ligjore.
“Nuk është edhe e ndershme që dikush të përfitojë në emër të familjeve të dëshmorëve në mënyrë jo korrekte dhe të kundërligjshme”.
Ai tha se në rast të ankesave, barra për veprime joligjore nuk bie vetëm mbi anëtarët e komisionit, por edhe vet kreun e komunës, Ramadan Mujën/PrizrenPress.com/