Ish-kryeministri dhe lideri i PDK-së, Hashim Thaçi, dhe Isa Mustafa, lideri i LDK-së, partive që kanë njoftuar koalicionin qeverisës, raportohet se ndodhen bashkë në ambientet e Kuvendit të Kosovës, për të nënshkruar marrëveshjen rreth ndarjes së posteve qeverisëse.
Ndërsa për orën 12 është paralajmëruar fillimi i mbledhjes konstituive të Kuvendit, ende pa u deklaruar nga nënshkruesit e marrëveshjes, zëvendësministri i jashtëm në largim, Petrit Selimi, përmes rrjetit social Twiter, ka njoftuar si punë të kryer se kryeministër do të jetë Isa Mustafa i LDK-së, kurse Hashim Thaçi i PDK-së zëvendës i tij dhe ministër i Jashtëm.