Nën organizimin e Rinisë Demokratike të Kosovës dega në Prizren është mbajtur ceremonia e aderimit të 200 të rinjëve në radhët e Partisë Demokratike të Kosovës.
Në këtë takim me fjalë përshëndetëse i janë drejtuar të rinjëve edhe kandidatët për deputetë nga Komuna e Prizrenit, Nijazi Kryeziu, Nezir Cocaj, Luljeta Veselaj Gutaj dhe Nait Hasani.
Zëvendëskryetari i Partisë Demokratike të Kosovës, Enver Hoxhaj, në fjalimin e tij drejtuar të pranishmëve, ka thënë se PDK-ja e ka dëshmuar veten në proceset më të rëndësishme për vendin, duke i vënë interesat shtetërore të parat.
Ai ka deklaruar se është pikërisht kjo arsyeja pse shumë njerëz të rinjë kanë vendosur t’i bashkohen Fillimit të Ri me Partinë Demokratike të Kosovës.
PDK ka dëshmuar se është parti që merr vendime, dhe në proceset më të rëndësishme të shtetit ka dëshmuar veten, duke e vendosur gjithmonë në plan të parë interesin e vendit. Kjo është arsyeja që i ka frymëzuar këta të rinjë sonte, dhe shumë personalitete të tjera që t’i bashkohen PDK-së dhe programit për një Fillim të Ri për Kosovën” ka theksuar Memli Krasniqi i cili ishte i pranishëm në këtë takim.
Anëtarët e rinjë të PDK-së që aderuan sonte janë kryesisht të rinjë e të reja që kanë qenë pjesë e partive të tjera, por që i janë bashkuar PDK-së në synimin e saj për Fillimin e ri për Kosovën./PrizrenPress.com/