18.8 C
Prizren
E martë, 28 Maj, 2024

“Agnus Dei”, filmi më i mirë i huaj në Indonezi

filmiiiii Listës së çmimeve që ka grumbulluar në sirtar filmi “Agnus Dei” i është shtuar edhe një tjetër. Festivali “WorldFilm Festival” në Xhakarta të Indonesizë, e ka shpërblyer filmin e regjisorit Agim Sopi me çmimin e artë “Filmi më i mirë i huaj”.

Ky është çmimi i njëmbëdhjetë me radhë që merr ky film. Festivali indonezian sivjet ka realizuar edicionin e tij të dytë, ku përveç “Agnus…” me çmime të arta janë vlerësuar edhe 29 filma të tjerë, në kategori të ndryshme.

Ceremonia solemne e ndarjes së çmimeve do të mbahet më datën 4 të muajit qershor.
Muajin e kaluar regjisori kosovar për gazetën kishte bërë të ditur se nuk do të marrë pjesë në asnjë festival, përveç atij që mbahet në qershor në Lecce të Italisë.

Të shtunën mbrëma “Agnus Dei” është shfaqur në “Argentina FICIP”, në Buenos Aires të Argjentinës. Në listën e festivaleve që do të shpaloset rrëfimi i filmit që flet për marrëdhëniet shqiptaro-serbe është edhe “Salento International Film Festival”, që mbahet në Lecce të Italisë dhe shtrihet midis datave 21 e 30 qershor. Ndërsa pas këtij prezantimi, “Agnus Dei” ndalet në “Scottdale Film Festival” në Arizonë.

Qendra Kinematografike e Kosovës e kishte subvencionuar këtë film me 310 mijë euro me buxhetin e vitit 2010. Por Sopi nuk ka gjetur përkrahje nga QKK-ja për t’u prezantuar në këto festivale.
“Agnus Dei” ka për kryeprotagonist Petrin rreth të tridhjetave. Ai bie në dëshpërim me nënën e tij, Maria, dhe burrin e saj, Stojani, në një fshat të Serbisë. Peter është i lindur në Kosovë nga një dashuri e ndaluar midis së ëmës dhe babait të tij shqiptar. Rrëfimi nis në kohën kur marrëdhëniet mes serbëve dhe shqiptarëve janë armiqësore. “Award of Merit” në festivalin e filmit “The Indie Fest” ishte vlerësimi që para dy muajsh ky film kishte marrë në Jolla të Kalifornisë.

Më Shumë

Gjendet personi që u raportua i zhdukur në Prizren

Është gjetur personi i raportuar si i zhdukur në Prizren. Motra e tij kishte thënë në Polici se ai kishte dalë nga shtëpia më 15...

Mbi 2 mijë gjoba trafiku në 24 orët e fundit në Kosovë

2 mijë e 96 gjoba trafiku janë shqiptuar në 24 orët e fundit në vendin tonë. Gjatë kësaj periudhe ka ndodhur një aksident me fatalitet,...

Lajmet e Fundit