Në nderim të punës dhe veprës së Dr. Tyrhan Kosova, internist-endokrinolog , Spitali i Përgjithshëm “Prim. Dr. Daut Mustafa” në Prizren organizon një Akademi Përkujtimore.
Detajet e Akademisë Përkujtimore janë si më poshtë:
Dita/data: E Premte, 06 shtator 2024
Vendi: Amfiteatër – ndërtesa e QRSHP (ish Enti Higjienik)
Ora: 11:00
Dr. Kosova u nda nga jeta në orët e vona të datës 2 Shtator 2024, në moshën 62 vjeçare.
Dr. Tyrhan Kosova lindi më 29 Nëntor 1962 në Prizren. Pas përfundimit të shkollimit fillor dhe të mesëm në Prizren, ai kreu Fakultetin e Mjekësisë në Prishtinë në vitin 1989, dhe më pas specializimin në mjekësi interne dhe endokrinologji në vitin 2000.
Pas diplomimit, Dr. Kosova filloi punën në Spitalin e Përgjithshëm “Prim. Dr. Daut Mustafa” në Prizren si mjek i përgjithshëm. Në vitin 2008, ai udhëhoqi Drejtorinë Komunale për Shëndetësi dhe Mirëqenie Sociale, dhe ka punuar gjithashtu në EULEX dhe në Arabinë Saudite. Në vitin 2018, ai u rikthye në Spitalin e Përgjithshëm “Prim. Dr. Daut Mustafa” dhe vazhdoi të shërbejë deri në momentet e fundit të jetës së tij.
Dr. Kosova ka ndjekur dhe kryer shumë trajtime profesionale në fushën e mjekësisë interne dhe endokrinologjisë. Ai ishte i njohur për përkushtimin e tij në punë, ndershmërinë dhe përgjegjshmërinë, duke kontribuar në shërbimin e pacientëve me devotshmëri të madhe.
Marketing
