Tre persona janë lënduar si pasojë e një aksident trafiku që ka ndodhur mëngjesin e sotëm në magjistralen Gjakovë-Prizren.
Lajmin e ka bërë të ditur për “Betimi për Drejtësi”, zëdhënësi i policisë për rajonin e Gjakovës, Sheremet Elezaj, i cili tha se deri tek aksidenti ka ardhur pasi që shoferi ka humbur kontrollin mbi autobusin dhe ka goditur gjashtë vetura të parkuara.
“Sot rreth orës 03:00, është raportuar aksident trafiku në rrugën “Gaspër Karaqi” në Gjakovë (rruga Gjakovë-Prizren). Policia ka dalë në vendin e ngjarjes ku ngasësi i një autobusi, në rrethana deri më tani të panjohura, kishte humbur kontrollin mbi autobusin dhe ka goditur gjashtë vetura të parkuara jashtë rrugës. Përveç dëmeve materiale është raportuar për tre persona të lënduar. Njësia Rajonale e Komunikacionit Rrugor është duke e hetuar rastin”, ka deklaruar Elezaj./BetimipërDrejtësi
“Loyola-Gymnasium” në Prizren shpall konkurs për një mësimdhënës/e të gjuhës gjermane