6.8 C
Prizren
E diel, 4 Dhjetor, 2022

Aktakuzë kundër një personi në Prizren për posedim të narkotikëve

Prokuroria Themelore në Prizren, Departamenti i Krimeve të Rënda, ka ngritur aktakuzë kundër të pandehurit S.K., i cili gjendet në paraburgim nga data 29.01.2022 për shkak të dyshimit se i njëjti ka kryer veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.

Sipas aktakuzës, më 29.01.2022, rreth orës 16:00 në Prizren, i akuzuari S.K., pa autorizim posedon me qëllim të shitjes apo shpërndarjes substanca apo preparate, të cilat janë shpallur me ligj si narkotikë, në atë mënyrë që pasi policia në afërsi të lagjes ‘’Bazhdërhane’’ në Prizren, ndalon automjetin e markës “Citroën C3”, ngjyrë hiri metalike, të cilin ishte duke e drejtuar i pandehuri, me ç’rast pas kontrollit fizik të automjetit, tek ulësja e pasagjerit i është gjetur dhe sekuestruar një qese najloni e mbushur me substancë narkotike të llojit marihuanë, me peshë prej 1,152.82 gram.

Asociation “Loyola–Gymnasium” shpall konkurs për regjistrimin e nxënësve për vitin shkollor 2022- 2023

Ndërsa, pas zbatimit të urdhër kontrollit në lokalin e tij i cili gjendet në Prizren, në një bunker të improvizuar brenda lokalit policia arrin të gjejë dhe sekuestrojë: nëntë qese najloni të mbushura me substancë narkotike të llojit marihuanë, me peshë gjithsej 8.883.38 gram dhe disa qese plastike të cilat kanë qenë të destinuara për paketim të lëndëve narkotike.

Po ashtu, pas zbatimit të urdhër-kontrollit tek shtëpia e tij në Prizren, policia arrijnë të gjejnë dhe sekuestrojnë dy lule me substancë narkotike të llojit marihuanë me peshë prej 1.88 gram.

Me këto veprime i pandehuri ka përmbushur elementet e veprës penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge” sipas KPRK-së.

Prokurori i çështjes me rastin e ngritjes së aktakuzës, i ka propozuar Gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, i pandehuri i lartcekur për veprën penale për të cilën akuzohet të shpallet fajtor dhe të dënohet sipas ligjit.

Më Shumë

Moti për sot

Në Kosovë sot do të mbajë mot i vranët por edhe me intervale të shkurtra me diell. “Temperaturat minimale do të lëvizin ndërmjet -2-0 gradë...

Hasani: Vendosja e emrave shqip për fëmijët sot është detyrë kombëtare e çdo shqiptari

Ish-i burgosuri politik Nait Hasani,  ka treguar edhe me çfarë pasoja janë përballur personat të cilat kanë pasur emra me identitet kombëtar e po...

Lajmet e Fundit