Lëvizja Vetëvendosje në Prizren , sot ka mbajtur një takim me struktura të partisë dhe qytetarë ku është diskutuari për situatën aktuale politike me temën “Shypja politike dhe rezistenca qytetare”.
I pranishëm në këtë takim ishte edhe Albin Kurti, i cili para të pjesëmarrësve të këtij takimi tha se protestat në Prishtinë të cilat janë mbajtur dhe do të mbahen, kanë për qëllim që të fuqizojmë shtetin tonë, tha ai, e jo sikurse po etikohemi se një gjë të tillë po e bëjmë për pushtet. Ai tha se Jabllanoviqi duhet të shkarkohet, sepse përmes tij dhe Listës Sërbska, po forcohet Serbia karshi Kosovës.
Sipas Albin Kurtit, zhvillimet e tanishme po na japin të kuptojmë se shteti i Kosovës po e luan rolin e Asociacionit të Komunave, ndërsa komunat serbe këtu po e udhëheqin shtetin.Ai gjithashtu tha se fuqia e vendimmarrjes së Serbisë me Kosovën, tregoi edhe në rastin “ Trepça”, pasi që ishte ndërhyrja e kryeministrit serb Vuçiq, ajo e cila stopoi vendimin që kompania gjigant mos të shndërrohet në ndërmarrje publike.
Albin Kurti, tha se protestat e radhës me 4 shkurt do të jetë paqësore, dhe se do të vijojmë edhe më tej , tha ai, deri në realizimin e kërkesave tona për shkarkim të Jabllanoviqit dhe në mbrojtje të Trepçës. Albin Kurti, tha më tej se protestues me maska po janë shumë qytetarë të punësuar, të cilët nga frika e hakmarrjes së pushtetit për praninë e tyre në protesta, po detyrohen të maskohën. Drejtuesit e Vetëvendosjes, ftuan prizrenasit që të mërkurën masovisht të udhëtojnë drejt Prishtinës, për në protestën e paralajmëruar paqësore…./TV Prizreni/