7.8 C
Prizren
E shtunë, 3 Dhjetor, 2022

Allegri nuk e mendon largimin nga Juventusi: Është shumë vështirë në Ligën e Kampionëve, por jo e pamundur

Juventusi  ka pësuar një humbje shokuese nga Benfica në xhiron e dytë të Ligës së Kampionëve.

Përkundër që krijuan epërsi të hershme me golin e Milik, Juventusi u përmbys ngq Benfica dhe rezultati pas 90 minutave ishte 1-2 për skuadrën portugeze.

Trajneri i Juventusit, Massimiliano Allegri ka mbetur i zhgënjyer nga paraqitja e futbollistëve të tij në këtë sfidë.

“Është e vështirë të shpjegosh atë çfarë ndodhi, por pas rezultatit 2-1 ndeshja përfundoi, paraqitja do të kishte qenë e shëmtuar edhe nëse do të barazonim. Tani nuk shërben të flasësh, por vetëm të punojmë e mendojmë për fushën e lojës”.

Tutje tekniku italian ka thënë se kualifikimi është i vështirë, por asgjë nuk është e pamundur.

“Skuadrës i kam thënë që në futboll këto momente rastisin dhe duhet të dalim prej tyre kolektivisht. Në Ligën e Kampionëve është e vështirë, por nuk është mbyllur asgjë”.

“E kuptoj momentin e vështirësisë që jeton ekipi, në këto situata mjafton të pësosh një penallti për të ndryshuar gjithçka”.

“Nuk duhet të mendojmë për shqetësimet, duhet vetëm të veprojmë”, tha Allegri.

Krejt në fund ai u ngacmua duke u pyetur se a mund të jap ende kontribut për Zonjën e Vjetër.

“Absolutisht po, kemi pak vështirësi por na mungojnë disa lojtarë. Duhet të punojmë me qetësi dhe me përgjegjësi të gjithë”, u shpreh Allegri.

Pas dy xhiroeve në Grupin H, Juventus mbetet pa pikë, derisa kryesojnë Benfica e PSG me nga gjashtë sosh. /Telegrafi/

Më Shumë

Pamje: Xhaka u përlesh i vetëm me futbollistët serbë në fund të ndeshjes

Zvicra e ka siguruar kualifikimin në fazën tjetër ndaj Serbisë për herë të dytë radhazi dhe për herë të dytë radhazi e eliminoi Serbinë. Helvetikët...

Kur Putin ‘spiunonte’ dy artistët protestues në vitin 1976

Agjencia investigative ruse “Meduza” ka publikuar informacione të reja në lidhje me jetën e hershme profesionale të presidentit Vladimir Putin gjatë kohës kur punonte...

Lajmet e Fundit