Instituti Demokratik i Kosovës (KDI) ka publikuar “Fletënotimin” i cili përmban analizë dhe notim për punën individuale të 31 anëtarëve të Kuvendit të Komunës së Malishevës dhe subjekteve politike të përfaqësuara në këtë kuvend për periudhën janar-dhjetor 2015. Qëllimi i publikimit të këtij “Fletënotimi” është informimi i paanshëm dhe objektiv i qytetarëve për punën e të zgjedhurve të tyre gjatë mbajtjes së seancave të Kuvendit të Komunës së Malishevës në periudhën janar-dhjetor 2015, notim ky i bazuar në nëntë shtylla të vlerësimit.
Anëtarët që kanë treguar rezultate më të mira në të gjitha kategoritë në Kuvendin e Komunës Malishevës gjatë kësaj periudhe janë: Valon Hoti (LVV) me 18.7 %, Ahmet Rrahmanaj (PDK) me 17.5 % dhe Januz Kastrati (LDK) me 14.5 %. Ndërsa anëtarët që nuk kanë treguar asnjë rezultat në të gjitha kategoritë janë dhe janë vlerësuar me 0 % janë: Floriana Demaj (IQM) me 0.0 % Liridona Maloku (IQM) me 0.0 %, dhe Florentina Zulfaj (IQM) me 0.0 %.
Gjatë kësaj periudhe, kuvendarët e Malishevës ngritën 469 çështje, prej të cilave 75 % nga fushat me interes për qytetarët ndërkaq 25 % e çështjeve të iniciuara kanë qenë të lidhura me aspekte procedurale të punës së organeve të Komunës së Malishevës.
Anëtarët e LDK-së prijnë për nga inicimi i çështjeve me 33.0 %, të përcjellë nga anëtarët e LVV-së dhe PDK-së me 25 % të çështjeve të ngritura. Lidhur me ngritjen e çështjeve, anëtari më aktiv ka qenë Valon Hoti (LVV) me gjithsejtë 22.0 %, i përcjellë nga Ahmet Rrahmanaj (PDK) dhe Januz Kastrati (LDK) me nga 19.0 % përkatësisht 16 % të çështjeve të ngritura.
Sa i përket pyetjeve të bëra nga anëtarët e Kuvendit të Komunës së Malishevës drejtuar ekzekutivit komunal, në këtë periudhë janë bërë gjithsej 83 pyetje. Nga këto, 17 % kanë qenë të lidhura me aspekte procedurale të punës së organeve të Komunës së Malishevës dhe 83 % kanë qenë të lidhura me interesin e qytetarëve të kësaj komune.
Edhe në parashtrimin e pyetjeve, anëtarët e LDK-së prijnë gjatë kësaj periudhe me gjithsej 34 % , të pasuar nga anëtarët e LVV-së me gjithsej 30 % të pyetjeve të përgjithshme.
Sa i përket nivelit të pjesëmarrjes në diskutime për pikat e rendit të ditës prinë Ahmet Rrahmanaj (PDK) me 17 % i përcjellë nga Valon Hoti (LVV) dhe Januz Kastrati (LDK) me nga 14 % përkatësisht 13 % të pjesëmarrjes në diskutime.
Lidhja Demokratike e Kosovës (LDK) si subjekt politik i përfaqësuar me 8 anëtarë ka shënuar nivelin më të lartë të pjesëmarrjes në diskutim enë seancat e mbajtura në periudhën janar-dhjetor me 29 %, e përcjellë nga subjekti i PDK-së me 28 % të diskutimeve të përgjithshme.