Policia e Kosovë ka dhënë detaje për rrahjen masive ku mbeti një i plagosur dhe disa të tjerë të lënduar në Prizren.
Sipas raportit 24 orësh të PK-së. Të përfshirë në ngjarje nëntë persona të cilët janë arrestuar dhe dërguar në mbajtje.
“Në vendin e ngjarjes janë gjetur dhe sekuestruar një pistoletë me dy fishekë, dy thika, një shufër metalike dhe një boks hekuri.”
Njoftimi i plotë:
VRASJE NË TENTATIVË
Prizren 07.05.2023 – 01:16. Një mashkull kosovar ka mbetur i plagosur nga arma e zjarrit dhe disa të tjerë janë lënduar gjatë një përleshje që ka ndodhur midis disa personave. Në vendin e ngjarjes janë gjetur dhe sekuestruar një pistoletë me dy fishekë, dy thika, një shufër metalike dhe një boks hekuri. Të lënduarve u është ofruar trajtim mjekësor, ndërsa i plagosuri është dërguar për trajtim të mëtutjeshëm në QKUK. Me vendim të prokurorit nëntë të dyshuar meshkuj kosovarë janë arrestuar dhe të njëjtit janë dërguar në mbajtje.