E.K., i lindur në vitin 2002 ka përfunduar në prangat e Policisë së Kosovës, për shkak të dyshimit se ka kryer vjedhje të rëndë në një kafene në rrugën “Xhevë Lladrovci”, në Prizren.
19-vjeçari dyshohet se të martën ka thyer dhe dëmtuar një kafene dhe me të hyrë brenda lokalit, ia kishte vjedhur portofolin me para pronarit të kafenesë.
“Zyrtarët policorë kishin filluar hetimet për dëmtim prone dhe rasti ishte cilësuar vjedhje e rënde, gjatë verifikimit të zonës dhe identifikimit të kryerësit të kësaj vepre, hetuesit kishin arritur ta zbulojnë identitetin e të dyshimit. Në lidhje me këtë rast është arrestuar dhe ndaluar i dyshimti E.K, i lindur në vitin 2002?, thuhet në njoftimin e Drejtorisë Rajonale të Policisë në Prizren.