Agjentët federalë që po kryenin një operacion detar në Florida papritur u gjendën të përfshirë në një shpëtim ajror, kur panë një pilot në pjesën e lartë të avionit të tij të fundosur.
Sipas CNN, përcjell Telegrafi, avioni u zhyt në ujë jashtë qytetit Cedar Key, rreth njëqind milje në veri të qytetit Tampa, përgjatë Bregut të Gjirit në Florida.
Fotot e sigurara nga Doganat dhe Mbrojtja Kufitare e SHBA-së treguan një aeroplan të vogël me helikë, duke u fundosur rreth gjysmë milje me distance aeroporti i qytetit Cedar Key.
Piloti u ngjit lartë derisa u afrua njësia detare
Siç mund të shihet, uji po mbulonte pothuajse tërësisht kabinën dhe një burrë qëndronte në krye të pajisjes.
“Derisa agjentët iu afruan aeroplanit që po fundosej, një individ u vu re duke u ngjitur lart në aeroplan dhe po qëndronte aty. Agjentët verifikuan se piloti ishte i vetmi pasagjer aty dhe e shoqëruan atë deri në bordin e një Anijeje Interceptuese Bregdetare”, sipas njoftimit. /Telegrafi/