Ky projekt dhe të tjera punë nga Barake do të prezantohen me 14 nëntor në Hotel Graçanica, me fillim prej orës 19:00.
Kamera e saj ka fokusuar 500 fytyra. 500 fytyra të cilat nuk fshihen, dalin, ndryshojnë shoqërinë, bëjnë revolucionin. Në një festival që pati po këtë slogan, Layla Barake, e lindur më 1981 në Freiburg, ka fotografuar plot 500 fytyra.
Në edicionin e fundit të DOKUFEST, Layla Barake ka fotografuar fytyrat në formatin close-up, përfshirë këtu vizitorë të festivalit, stafi, regjisorë e aktorë botëtorë, gazetarë, punonjës skene, teknikë, fansa filmi e fqinjë. Ky projekt dhe të tjera punë nga Barake do të prezantohen me 14 nëntor në Hotel Graçanica, me fillim prej orës 19:00.
Barake ka kohë që punon në Kosovë ndërsa ka vendosur që më fund të sjellë një përmbledhje të punëve të saja. Ajo është aktive si fotografe profesionale, por angazhohet edhe në organizime të ndryshme kulturore në Kosovë. Udhëtimet e saj si në Gjermani, Maroko e Zvicër janë po ashtu pjesë e projektit të saj. / KultPlus.com