Hetuesit e Gjakovës dhe disa patrulla policore në Rahovec kanë bastisur disa objekte në rrugën “Kuvendi i Lezhës”, me ç’rast rreth orës 10:00 ka arrestuar një person.
Gazeta Sinjali merr vesh nga burime brenda Prokurorisë se në oborrin e tij Policia ka gjetur dhe konfiskuar një tas alumini i mbushur me substancë narkotike të llojit marihuanë.
Substanda prej 60 gramësh është konfiskuar nga Policia në cilësi të provës materiale.
Personi i arrestuar është shoqëruar në stacionin policor të Gjakovës për intervistim.
Në lidhje me rastin është njoftuar prokurori kujdestar, i cili ka lëshuar vendimin për ndalimin e të dyshuarit për 48 orë.