Karim Benzema ka njoftuar se është tërhequr nga kombëtarja e Francës në ditëlindjen e tij të 35-të të hënën, një ditë pasi skuadra franceze humbi me Argjentinën me penallti në finalen e Kupës së Botës.
Fituesi i Topit të Artë, Benzema, i cili shënoi 37 herë në 97 paraqitje për Francën, humbi Kupën e Botës në Katar pasi pësoi një dëmtim në stërvitje një ditë para fillimit të turneut.
“Bëra përpjekjet dhe gabimet e nevojshme për të qenë këtu ku jam sot dhe jam krenar për këtë! Shkrova historinë time dhe e jona po merr fund”, shkroi Benzema në Twitter.