Bashkimi Demokratik ka takuar qytetarët e lagjes qendrore “Gani Qavderbasha” të Prizrenit. Kandidati për kryetar të Komunës, Zafir Berisha para qytetarëve foli për projektet e BD-se që garantojnë një jetë më të mirë në qytetin e Prizrenit duke u fokusuar në mirëqenien sociale që duhet të krijohet për qytetarë si dhe përfaqësimin e vlerave politike të qytetit.
“Prizreni nga të gjitha qeveritë e pasluftës është anashkaluar duke përdorur atë vetëm për vota, por jo edhe për ti dhënë hapësirë vlerave politike që kanë qytetarët e Prizrenit nëpër institucione. Bashkimi Demokratik me fuqizimin e sajë më 3 nëntor që do ta marrë prej qytetarëve do të avancoj kulturën politike në të ardhmen e afërt edhe në institucione qendrore, institucione që për fat të keq iu mungon kultura politike në qytetin e Prizrenit”, tha Berisha.
Kurse, bartësi i listës se BD-së, Osman Hajdari, ka folur për vlerat qytetare dhe politike që ka lista prej 45 kandidatëve, listë e cila përfaqëson Prizrenin siç është dhe që garanton se për Prizrenin do të vendoset në Prizren.
Ndërkaq, nënkryetari Mitat Karahoda dhe kandidat për Kuvend, kërkuan nga lagjja e tyre që të jenë pjesë e ekipit të Bashkimit Demokratik si shpresë e vetme për të mbrojtur identitetin e qytetit të Prizrenit si dhe për të avancuar vlerat e këtij qyteti. /PrizrenPress.com/