Kandidati i BD-së për kryetar të Prizrenit, Zafir Berisha, aktivitetin e tij zgjedhor e ka vazhduar në lagjen “Tabakhane” . Ai premtoi, se pas fitores, do të angazhohet që banorët e kësaj lagje të ndihen komod në shtëpitë e tyre.
“Ju garantoj se projekti për 10 vite rresht i premtuar nga ish- pushtetarët për rregullimin e infrastrukturës nëntokësore dhe mbitokësore të rrugës “Remzi Ademaj”, do të rregullohet në pjesën e parë të qeverisjes së BD-së”.
Berisha premtoi se nëse vije në pushtet do të rregullojë edhe Lumëbardhin. ”Do të shpëtohet edhe Lumëbardhi, në të cilin janë duke u derdhë ujërat e zeza, i cili gjatë muajt të verës nga kundërmimi e benë të vështirë edhe qëndrimin në shtëpitë tuaja”.
Kandidati për Asamblenë Komunale nga BD-ja, Osman Hajdari tha ndërkaq se njerëzit profesionist në Bashkimin Demokratik kanë përgatitur një program të qëndrueshëm , i cili drejtpërdrejt do të ndikojë në përmasimin e mirëqenies sociale të shoqërisë sonë. /PrizrenPress.com/