19.8 C
Prizren
E shtunë, 1 Tetor, 2022

Buja mori pjesë në “Panairin e librit për fëmijë”

rame buja me nxenesMinistri i Arsimit, Shkencës dhe Teknologjisë, Ramë Buja dhe drejtoresha e USAID-it në Kosovë, Maureen Shauket, me rastin e shënimit të Ditës Ndërkombëtare të Shkrim-Leximit, kanë vizituar sot “Panairin e librit për fëmijë”, i cili është organizuar nga Basic Education Program (Programi për Arsim Themelor) i USAID-it.

Ministri Buja këtë ngjarje e ka vlerësuar të një rëndësie të veçantë, për faktin që aktivitete të kësaj natyre e ngrisin vetëdijen e nxënësve për rëndësinë e të lexuarit të hershëm.

“Ne jemi të lumtur që kemi realizuar këtë gjë. Është një aktivitet që sensibilizon fëmijët duke pasur libra të veçantë, duke i futur në garë ata, duke i sensibilizuar për çështjen e leximit”, është shprehur ministri Buja.

Ministri Buja, po ashtu, tha se kjo ngjarje është një mrekulli për fillim vitin shkollor, ndërkaq shprehu bindjen se fëmijët, duke i parë këta libra, madje duke i bërë vet disa prej tyre, do të jenë lexues të mirë.

Drejtoresha e USAID-it në Kosovë, Maureen Shauket, tha se të lexuarit e hershëm është gur-themel i të gjitha programeve arsimore të USAID-it. “USAID-i është shumë i lumtur që i bashkëngjitet Ministrisë së Arsimit, në këtë eveniment të veçantë. Ne jemi këtu që të festojmë së bashku me fëmijët dhe të tregojm rëndësinë e të lexuarit në jetën e tyre”, u shpreh Shauket.

Përveç ekspozimit të librave, tabelave dhe materialeve të tjera të leximit, programi organizon edhe aktivitete të ndryshme. Këto aktivitete përfshijnë: një qendër leximi ku nxënësit praktikojnë leximin, shkrimin dhe shkathtësi të tjera komunikimi.

Ky panair është mundësi që botuesit nga Kosova, Shqiparia dhe Maqedonia të ekspozojnë librat e tyre për fëmijë. Në kuadër të Panairit të librit u ndanë shpërbime për “Biblioteka më e mirë e vitit”, dhe “Libri më i mirë i krijuar nga nxënësit e klasave 1-5”.

Më Shumë

Prindërit e Astrit Deharit japin deklaratë në polici në lidhje me vdekjen e djalit të tyre

Avokati Tomë Gashi ka bërë me dije se sot Xhemile Dehari dhe Avni Dehari, prindërit e Astrit Deharit, kanë dhanë deklaratë në Policinë e...

Artan Abrashi kryetar i ri i degës së VV-së në Prizren

Artan Abrashi është kryetar i ri i degës së VV-së në Prizren. Këtë e konfirmoi para pak çastesh zyrtari i kësaj partie në kryeqytetin historik, Adem Shabanaj. Ky i fundit,...

Lajmet e Fundit