Mesfushori i Inter-it, Christian Eriksen do të vendosë një pajisje, e cila do të monitorojë rrahjet e zemrës së tij dhe mund të kontrollojë çdo anomali me goditje të vogla elektrike.
Mjeku i ekipit kombëtar Morten Boesen ka qenë në kontakt me specialistin e zemrës në Rigshospitalet dhe ky është statusi më i fundit lidhur me Christian Eriksen.
“Pasi Christian ka kryer të gjitha ekzaminimet e ndryshme të zemrës, është vendosur që ai duhet të ketë një ICD (starter zemre)”, shkruhet në deklaratën e tij.
Kjo pajisje është e nevojshme pas një sulmi kardiak për shkak të shqetësimeve të aritmisë.
Danezi është duke u rikuperuar në spital, pasi pësoi një arrest kardiak në fushë gjatë humbjes 1-0 së kombëtares së tij ndaj Finlandës.
Ai ka theksuar dëshirën e tij për të kuptuar se çfarë e shkaktoi ngjarjen traumatike.
Ai vijon t’i nënshtrohet testeve, por ndërkohë, ekipi kombëtar danez ka konfirmuar se ai do të jetë i pajisur me një defibrilator kardioverter të implantueshëm i cili do të ndihmojë në mbajtjen e rrahjeve të zemrës së tij në ekuilibër pas arrestit kardiak.
/Albanianpost.com