Grupi britanik i zhanrit rock/alternativ, “Coldplay”, ka lansuar në faqen YouTube videoklipin më të ri të këngës “Sky Full of Stars”, që është pjesë e albumit më të ri “Ghost Stories”, të lansuar gjatë muajit maj.
Me një grumbull trëndafilash të varur në kitarë dhe me bateri të varura në shpinë, lideri i bendit, Chris Martin, duket tejet i lumtur, duke bërë paradë në rrugën “King Street” në Newtown, Sydney të Australisë.
Natyra harmonike e këngës është në përputhshmëri me videon gazmore, ku anëtarët e “Coldplay” lëvizin nëpër qytet duke performuar me një turmë njerëzish, të cilët e shndërrojnë një rrugë periferike në një festë të vërtetë.