Ilir Deda, anëtar i lëvizjes Vetëvendosje, ka paralajmëruar se protestat do të vazhdojnë deri në shkarkimin e ministrit të Ministrisë për Kthim dhe Komunitete, Aleksandar Jabllanoviq.
Ai, gjithashtu ka thënë se gjithçka ka dal jashtë kontrollit në saje të urdhrit të SHIK-ut, PDK-së dhe LDK-së për ndërprerjen e protestës.
“Dalja masive e qytetarëve ka treguar se propaganda e qeverisë dhe mediat qeveritare ka dështuar. Ka treguar se populli dëshiron shkarkimin e Jabllanoviqit. Kjo që po shihet është urdhër i PDK-së LDK-së SHIK-ut, të cilët kakë ndërprerë çdo gjë që të ndalet kjo protestë, që nga ndalja e autobusëve dhe deri te eskalimi i situatës nga ana e qeverisë Mustafa-Thaqi-Jabllanoviq. Qeveria e mbron një ministër të keq me gazlotjellës dhe autoblinda me ujë. Do të vazhdojmë deri në shkarkimin e Jabllanoviqit, përndryshe do të vazhdojmë që të turpërohemi para këso lloj ministrash”, ka thënë Ilir Deda me rastin e eskalimit të protestës pas ndërhyrjes së policisë dhe hedhjes së gurëve nga ana e protestuesve ndaj policëve.