9.8 C
Prizren
E premte, 29 Mars, 2024

“Der Spiegel” publikon përgjimet mes OBSH-së dhe Kinës për të fshehur të vërtetën për COVID-19

Presidenti kinez, Xi Jinping, i ka kërkuar Drejtorit të Përgjithshëm të Organizatës Botërore të Shëndetit, të vonojë paralajmërimin global për kërcënimin e COVID-19, bëri të ditur në një raport revista prestigjioze gjermane “Der Spiegel”.

Sipas të dhënave të siguruara nga Shërbimi Federal i Inteligjencës në Gjermani, ata deklarojnë se mes dy liderëve është zhvilluar një bisedë telefonike gjatë muajit janar, transmeton Euronews Albania.

Sipas asaj që bën të ditur revista gjermane “Der Spiegel”, Presidenti i Kinës, Xi Jinping, në një telefonatë të bërë më 21 janar, i ka kërkuar kreut të OBSH-së, Tedros Adhanom Ghebreyesus që të mos publikojë informacion mbi përhapjen e COVID-19 nga njerëzit tek njerëzit, gjë e cila ka shtyrë me 4 javë marrjen e masave për përhapjen e pandemisë.

Në reagimin zyrtar të OBSH-së thuhet se, Tedros nuk ka folur me presidentin kinez më 21 janar dhe se ata nuk kanë folur kurrë në telefon. “Një lajm i tillë është çoroditës dhe dëmton përpjekjet e OBSH-së dhe gjithë botës në përpjekjet për t’i dhënë fund pandemisë së COVID-19”, thuhet në komunikatë.

“Kina ka konfirmuar se ka përhapje nga njeriu te njeriu më 20 janar dhe se OBSH ka deklaruar publikisht më 22 janar se të dhënat tregojnë se kemi kalim nga njeriu te njeriu në Wuhan”, vijon më tej reagimi.

Akuzat kundër OBSH-së janë ngritur më parë edhe nga administrata amerikane dhe në veçanti nga presidenti, Donald Trump, i cili e akuzon OBSH-në se është pro kineze dhe po i bën propagandë asaj.

Më shumë se 4 milionë njerëz në të gjithë botën janë prekur nga koronavirusi ndërsa të paktën 279 mijë prej tyre kanë humbur jetën. Të paktën 1.3 milionë raste kanë ndodhur vetëm në SHBA, ku janë regjistruar deri tani 79 mijë të vdekur.

Më Shumë

Biletat për koncertin e Dua Lipës në Kroaci u shitën për 10 minuta

Ylli shqiptaro-britanik i muzikës pop, Dua Lipa do të performojë në Kroaci në qershor, dhe për vetëm disa minuta ka shitur të gjitha biletat...

Kurti: Nëse dëshiron opozita e shpërndajmë Kuvendin dhe shkojmë në zgjedhje, qeveria s’ka arsye të rrezohet

Kryeministri i Kosovës, Albin Kurti, ka folur për deklaratën e tij se është i gatshëm që vendi të shkojë në zgjedhje. Kurti ka thënë se...

Dhimbja

Lajmet e Fundit