Margot Robbie pohon se dëshiron t’i ketë katër fëmijë me të dashurin Tom Ackerley.
Margot është australiania më e zënë në Hollivud me pesë filma të caktuar për vitin 2016, por ajo nuk i kalon asnjëherë më shumë se tri javë pa u takuar me të dashurin e saj Tom Ackerley në mënyrë që të sigurohet që të mbijetojë lidhja e tyre tashmë trevjeçare.
“Të jesh në një lidhje në distancë të gjatë është një gjë e vështirë, pasi që nuk e sheh dritën në fund të tunelit. Mund të shkaktojë çrregullime, kështu që zgjidhje e kësaj është rregulli prej tri javësh”, ka thënë ajo për ‘Sunday Style’.
Por në të ardhmen ajo është e interesuar që të krijojë familje me të dashurin e saj dhe tashmë ka një vizion të jetës së tyre familjare.
“Dëshiroj shumë fëmijë. Ndishta jo tepër shumë, por jam rritur në një familje me katër fëmijë kështu që ky më duket një numër i mirë”, ka shtuar ajo.